Contoh Kalimat AMI, ASO, ASI, AMA, Andap, Kasar | Materi Bahasa Bali.

Contoh Kalimat AMI, ASO, ASI, AMA, Andap, Kasar

Wirasan Kruna Bahasa Bali

 

Malarapan antuk kawentenan linggih krama Baline punika, metu kruna-kruna basa bali sane taler maderbe wirasa matios-tiosan. Kruna Baline kapilih dados pitung soroh, inggih punika: kurna andap, kruna mider, kruna alus mider(AMI), kruna alus madya(AMA), kruna alus singgih(ASI), kruna alus sor(ASO), lan kruna kasar.

Conto lengkara:

Kruna	Conto Lengkara
AMA	(1)Tiang nunasang antuk linggih jeroné? (2)Tiang ten uning unduké nika. (3)Tiang kantun ngalap ron. (4)Pak saking Abang, nggih?
AMI	(1)Ngiring iraga sareng-sareng ngastiti Ida Sang Hyang Widhi Wasa! (2)Ida-dané sareng sami ngiring mangkin kawitin paruman druéné! (3)Dumogi iraga sareng sami mangguh karahajengan. (4)Parikrama puniki prasida labda karya antuk utsaha druéné.
ASO	(1)Titiang manyama sareng lelima. (2)Ipun kantun numbas celana ring Hardy’s. (3)Bapak titiangé wawu rauh saking bangket. (4)Pekak titiange sampun padem.
ASI	(1)Ida kari makarya panggul. (2)Dané Gusti Patih nénten mireng baos okanné. (3)Pak Bupati sampun lunga ka Jakarta. (4)Pak Wayan Gama pinaka ketua STKIP.
Lengkara Andap	(1)Ia mara majalan ngabaang sampinné padang. (2)Nyén adan timpal caine? (3)Icang lakar mayah montor ka dealer malu. (4)Dija tongos mayah listrik jani?
Lengkara Kasar	(1)Yén suba betek basangné pragat suba mamelud di pedemanné. (2)Depang suba pang bangka polonné. (3)Men cai, ngléklék di sanggah ngae WC! (4)Mula bungut ibane galir, data-data petang iba!